Monday, February 9, 2015

Medyo Magulo na Masaya

Grabe! Medyo nagulat ako sa simula ng taong ito. Sobra-sobrang problema ang hinarap at haharapin ko, at take note, Pebrero pa lang ngayon. Mukhang magiging puno ng hamon ang taon na ito para sa akin.

Pag may problema ako, sinusubokan ko talagang wag ng ipaalam sa pamilya ko. Ayaw kong mamroblema sila. Nagta-trabaho nga ako para mabawasan ang problema (a.ka. kahirapan) ng mga magulang ko. Ipinangako ko na rin yan sa sarili ko simula noong nagtapos ako ng hayskul, na magsisikap ako mai-angat sa buhay ang pamilya ko.

Imahe mula sa inspirably.com

Pero minsan talaga hindi ko maiwasang mailabas yung mga itinatago kong emosyon. Kahit anong pigil ko, naapektuhan pa rin talaga ang pamilya ko. Minsan kasi, habang nagtatrabaho ako, tutok na tutok ako sa ginagawa ko tapos bigla mag-iingay ang mga bata, di ko maiwasan magalit sa kanila at mag-aaway-away na.

At ayun, napapansin agad nila Mama at Papa na may problema nga. Wala naman akong naitatago sa kanila eh, masyado akong transparent sa kanila.

Magulo at masaya ang pamilya namin. Magulo, kasi madaming bata. Masaya, kasi kahit sa simpleng mga bagay ginagawa naming katatawanan at madaming bata. Hahaha.

Ang pamilya ko
Kahit magulo, maingay at mga pasaway ang mga miyembro ng pamilyang ito, hinding-hindi ko ipagpapalit ang mga taong ito na hindi nawala sa malulungkot at masasayang parte ng buhay ko.

Marami pang pagsubok ang pagdaraanan natin sa buhay kaya kapit lang, magtiwala at magdasal, at huwag kalimutang may pamilya kang matatakbuhan.

Salamat Panginoon sa lahat-lahat. ♥

4 comments:

Cherry said...

paano ko kaya ita-translate and very well said and expressed. hehehe. ang hirap pala mag-blog ng purong tagalog ano?

papaleng said...

Ganyan din ang pamilya na kinalakihan ko. Walang seryoso, puro comedy. Gayun pa man, sang-ayon ako sa sinabi mo na sila ang mga taong sumama sa hirap at ginhawa. Isang kang ulirang ehemplo ng isang taong 'walang flexibility'. May ganoon!

Jessica Cassidy said...

Life is too short not to be adored Sis Marie. I learned the quote from the latest book I read. Problems are always a part of our lives. I hope that the following months are a lot better for you. Spending time with our family is the best remedy especially if we are having fun especially if money is not involve.

Nova said...

I guess it's what life is all about, crazy and funny..