Paano Aayusin Kung Ayaw na Makipag-ayos pa?

Sa isang relasyon, hindi maiiwasan ang mga pagkakataon na hindi kayo magkakaunawaan. Kahit gaano pa kaganda ang inyong samahan, dadating at dadating talaga sa puntong magtatalo kayo sa mga bagay-bagay; malaki man ito o maliit. Ngunit papaano niyo ito aayusin kung ang isa sa inyo ay sawa na at ayaw nang makipag-ayos pa?

Naisip ko lang bigla, paano nga ba? Ikaw, alam mo sa sarili mo na gusto mo pang lumaban at ayusin ang relasyon ninyo, pero siya sumusuko na. Diba, parang ang sakit? Hindi parang, masakit talaga.

Ang katanungang ito ay hindi lamang para sa magkasintahan o mag-asawa, pwede rin ito sa magkaibigan.

Pero naisip ko rin na ang matitibay na samahan ay sinusubok ng panahon. Kung sa tingin mo ay nagkakalamat na ang relasyon ninyong magnobyo, mag-asawa,o magkaibigan, baka ito ay isang pagsubok lamang kung hanggang saan ninyo kakayanin. Kung hindi niyo kayang pakawalan ang isa't-isa, ipaglaban ninyo.

Hindi basta-basta sinusuko ang mga taong mahal natin. Kung mahal mo, ipaglaban mo!